ÌìÌì³Ô¹Ï

Byddwch chi'n rhan o brosiectau ymchwil arloesol sy'n gysylltiedig â meddygaeth, sy'n golygu y bydd eich set sgiliau a'ch dealltwriaeth o'r radd flaenaf.

Byddwch yn cael profiad o amrywiaeth eang o addysgu wrth astudio ym Mangor gan gynnwys darlithoedd a seminarau rhyngweithiol, astudiaeth unigol dan gyfarwyddyd, cymorth astudio un-i-un a chyfleoedd niferus i gymhwyso gwaith ymarferol, mewn sesiynau ymarferol unigol a grwpiau bach strwythuredig.

Mae ein hysgol fach, gyfeillgar yn eich galluogi i ddod i adnabod ein staff academaidd yn dda iawn a chael mynediad hawdd at gymorth academaidd a bugeiliol gan eich galluogi i berfformio ar eich gorau. Mae ein staff yn cynnwys academyddion, clinigwyr ac ymchwilwyr sydd â phrofiad sylweddol yn y GIG, y Brifysgol, a'r sector masnachol.

Mae ein graddau meistr yn y Gwyddorau Meddygol wedi’u seilio ar arfer meddygol modern ac fel un o’n graddedigion bydd gennych y sgiliau i fynd i mewn i amrywiaeth o lwybrau gyrfa clinigol, meddygol a gofal iechyd.

Mae gennym hefyd gysylltiadau rhagorol â Bwrdd Iechyd Prifysgol Betsi Cadwaladr (BCUHB), sy'n un o'r byrddau iechyd mwyaf yn y DU, a North West Cancer Research, yr elusen canser flaenllaw ar gyfer gogledd-orllewin Lloegr a Gogledd Cymru. Mae rhai darlithwyr yn cynnal apwyntiadau ar y cyd â BCUHB sy'n golygu y byddwch yn cael eich addysgu gan staff a darlithwyr er anrhydedd sydd â 'ymbarél' cynhwysfawr o sgiliau ac arbenigedd - o fainc y labordy i ochr gwely'r claf.