����Թ�

Mae proses ymgeisio UCAS ar gyfer mynediad 2026 bellach ar agor yn swyddogol, ac fe elli gyflwyno dy gais, gan gynnwys dy ddatganiad personol. 

Mae UCAS wedi gwneud rhai newidiadau eleni. Yn lle un traethawd hir, mae’n ofynnol nawr i ateb tri cwestiwn penodol. Mae hyn yn ei gwneud yn haws canolbwyntio ar yr hyn sy’n bwysig .

Bydd angen ysgrifennu o leiaf 350 nod (50 i 70 gair) ar gyfer pob cwestiwn, ac mae gen ti uchafswm o 4,000 nod (700 i 800 gair) ar draws y tri. 

Mae’r cwestiynau wedi’u cynllunio i dy helpu i ddweud wrthym yn union beth sydd angen i ni ei wybod:

1. Pam wyt ti eisiau astudio’r cwrs? Dweda wrthym beth sy’n dy gyffroi amdano.
2. Sut mae dy gymwysterau a dy astudiaethau wedi dy baratoi? Cofia ddangos sut mae dy waith presennol wedi dy osod ar y llwybr cywir.
3. Beth arall wyt ti wedi’i wneud y tu allan i addysg, a pham fod y profiadau hyn yn bwysig? Meddylia am hobïau, gwaith neu wirfoddoli - unrhyw beth sy’n dangos dy sgiliau a dy angerdd.

Cofia, dim ond un datganiad personol sydd angen ei ysgrifennu, waeth faint o brifysgolion yr wyt yn gwneud cais iddynt.

• Bydd yn bersonol, cadarnhaol ac ymgysylltiol—paid â gwneud datganiadau diflas.
• Trïa amrywio strwythur dy frawddegau; paid â chychwyn pob brawddeg gyda 'Rwyf'.
• Defnyddia arddull glir a syml sy’n teimlo’n naturiol i ti.
• Yn ddelfrydol, dylai datganiad personol ddefnyddio naws broffesiynol heb fod yn rhy ffurfiol.
• Bydd yn onest ac yn gywir ym mhob manylyn—mae staff derbyniadau yn adnabod gor-ddweud.
• Mae’n bwysig gorffen gyda datganiad cryf a hyderus am dy gymhelliant a dy uchelgeisiau.
• Cofia gadw dy ddatganiad mewn lle diogel a chreu copi wrth gefn.
• Cym dy amser i ysgrifennu a golygu’r datganiad nes ei fod yn iawn.
• Mae’n syniad da ail-ddarllen y wybodaeth am y cwrs a’r prosbectysau cyn dechrau ysgrifennu.
• Paid ag enwi prifysgol benodol, gan fod y datganiad hwn yn cael ei anfon at sawl sefydliad.
• Mae angen i bob brawddeg ychwanegu gwybodaeth newydd a pherthnasol.
• Cofia drafod dy weithgareddau allgyrsiol a hobïau mwyaf diweddar a pherthnasol.
• Gofyn i ffrind, aelod o’r teulu, neu gynghorydd gyrfaoedd wirio dy ddatganiad am eglurder a chamgymeriadau

Gallwch dal fod yn gefn mawr wrth ysgrifennu'r datganiad personol. Dyma sut gallwch eu helpu:

• Sgwrsio: Trafodwch yr hyn maen nhw eisiau ei ddweud. Gall hyn eu helpu i drefnu eu meddyliau a phenderfynu beth i’w roi fel atebion.
• Darllen drafftiau: Mae llygad ffres bob amser yn ddefnyddiol. Gallwch helpu i weld camgymeriadau teipio a gramadeg, ond cofiwch beidio â golygu gormod. Nid eich datganiad chi yw hwn! 
• Annog ymchwil: Atgoffwch hwy i edrych ar wefan UCAS. Mae llwyth o adnoddau gwych yno, gan gynnwys adeiladwr datganiad yn eu cyfrif UCAS Hub.
• Cadw llygad ar ddyddiadau cau: Dyma’r rhan bwysicaf ar hyn o bryd.