ÌìÌì³Ô¹Ï

Fel tîm, rydym am sicrhau bod pawb sy'n ymwneud ag addysg ein myfyrwyr Ffisiotherapi yn cael cymorth a hyfforddiant parhaus.

Mae ein diwrnodau hyfforddiant addysg glinigol mewnol wedi'u cynllunio'n arbennig ar eich cyfer chi fel addysgwyr clinigol. Bydd pob cwrs yn cael ei gyflwyno ar ein campysau ym Mangor a Wrecsam

I bwy mae’r cwrs hwn yn addas? 

Mae'r cwrs hwn ar gyfer Addysgwyr Clinigol Ffisiotherapi sy'n cefnogi Myfyrwyr Prifysgol Bangor.

Pam astudio’r cwrs? 

Mae ffocws ein Hyfforddiant Addysg Glinigol Ffisiotherapi yn dibynnu ar anghenion y sawl fydd wedi cofrestru, a bydd yn cael ei deilwra i weddu i'n cynulleidfa.

I’r rhai sy’n newydd i addysg glinigol neu sy’n bwriadu derbyn myfyriwr ar ôl toriad estynedig, mae ein ‘cwrs rhagarweiniol’ yn fan cychwyn delfrydol.
 
Rydym hefyd yn cynnal ‘cyrsiau diweddaru’ ar gyfer

addysgwyr lleoliadau ymarfer nad ydynt wedi derbyn diweddariad yn y ddwy flynedd ddiwethaf ond sydd eisoes wedi cwblhau’r cwrs rhagarweiniol.
 

Pa mor hir mae'n ei gymryd i gwblhau'r cwrs? 

Mae’r cwrs 1 diwrnod hwn ar gael ar y dyddiadau canlynol, ac yn y lleoliadau canlynol:

• Dydd Iau 25 Medi 2025 ( Fron Heulog, Bangor)

Tiwtoriaid

Emily Rigby

Mae Emily yn ddarlithydd mewn Gwyddorau Iechyd ym Mhrifysgol Bangor. Mae ganddi dros 10 mlynedd o brofiad mewn addysg glinigol uniongyrchol tra'n gweithio mewn Bwrdd Iechyd lleol fel arbenigwr clinigol. Mae Emily wedi gweithio yn y Brifysgol ers 2021, gan arwain a hwyluso dysgu ac addysgu ar y rhaglen MSc / Diploma Ôl-raddedig Ffisiotherapi cyn-gofrestru. Hi yw'r arweinydd ar gyfer lleoliadau clinigol ac mae'n gweithio'n barhaus i wella cyfleoedd a phrofiadau lleoliadau clinigol i fyfyrwyr ac addysgwyr clinigol fel ei gilydd.

Julie Owen

Darlithydd mewn Gwyddorau Iechyd (Ffisiotherapi)

Ymunodd Julie Owen â Phrifysgol ÌìÌì³Ô¹Ïyn 2022 fel Darlithydd mewn Gwyddorau Iechyd, ar ôl bron i ugain mlynedd o brofiad yn y Bwrdd Iechyd Lleol mewn amrywiaeth o rolau, gan gynnwys Arbenigwr Clinigol ac Arweinydd Tîm. Mae hi bellach yn arwain ac yn cefnogi addysgu ar y rhaglen MSc/Diploma Ôl-raddedig Ffisiotherapi (cyn-cofrestru), gyda chyfrifoldeb penodol am y modiwlau Cyflyrau Hirdymor Cronig ac Arweinyddiaeth.

Mae Julie yn tynnu ar ei phrofiad clinigol helaeth i hyrwyddo dull Addysg yn Seiliedig ar Ymholi, gan helpu myfyrwyr i gysylltu damcaniaeth â phrofiad ymarferol. Mae Julie yn rhugl yn y Gymraeg, ac yn frwd dros hyrwyddo defnydd a datblygiad yr iaith ar draws y rhaglen.

Beth fyddwch chi’n ei astudio ar y cwrs yma?

Mae ffocws a chynnwys y cyrsiau hyn yn amrywio. Dyma enghreifftiau o’r cynnwys: 

Cwrs rhagarweiniol

•  Hanfodion addysg glinigol
• Proffil myfyrwyr Ffisiotherapi Prifysgol Bangor.
• Bod yn drefnus ac yn barod ar gyfer addysg glinigol (gan gynnwys ystyriaethau moesegol a phroffesiynol).
• Deall gwaith papur CPAF a ddefnyddir mewn addysg glinigol.
• Delio â heriau mewn addysg glinigol.

Cwrs Diweddaru

Mae'r cwrs diweddaru yn canolbwyntio mwy ar anghenion penodol. Cyn y cyrsiau, rydym yn cynnal arolwg o’r sawl sydd wedi cofrestru  er mwyn llunio themâu a chynnwys addas ar gyfer y cwrs. 

Yn gyffredinol, byddwn yn cyflwyno unrhyw ddiwygiadau i ddeunyddiau rhagarweiniol. Byddwn hefyd yn archwilio'r heriau a wynebir mewn addysg glinigol ac yn datblygu safbwyntiau ac atebion i ymdrin â'r rhain.

Byddwn hefyd yn trafod ac yn dechrau datblygu strategaethau i ysgogi newidiadau cadarnhaol mewn addysg myfyrwyr.

Pa bynnag cwrs y byddwch chi’n ymuno ag o, bydd ein darpariaeth yn canolbwyntio ar rymuso addysgwyr clinigol i fod yn hyderus wrth ymdrin â senarios byd go iawn.
 

Gwybodaeth bellach 

Ar ddiwedd y cwrs hwn, bydd dysgwyr yn Derbyn Tystysgrif Cwblhau a fydd yn tystiolaethu 7 awr o DPP

Mae cost y cwrs hon am ddim.

Mae'r cwrs hwn ar gyfer Addysgwyr Clinigol Ffisiotherapi sy'n cefnogi Myfyrwyr Prifysgol Bangor.

Os hoffech gofrestru ar gyfer y cwrs hwn, ond nad ydych yn bodloni’r gofynion hyn, cysylltwch â threfnydd y cwrs
 

Cofrestru ar gyfer y Cwrs Nesaf

Bydd y cwrs nesaf yn cael ei gynnal ym Mangor (Adeilad Fron Heulog) ar ddydd Iau 25 Medi 2025.