ÌìÌì³Ô¹Ï

Dyma gwrs byr sydd wedi'i gynllunio ar gyfer pawb sydd â diddordeb mewn dulliau niwroddelweddu modern sy'n seiliedig ar MRI. Mae'n berthnasol iawn i ymchwilwyr, gweithwyr gofal iechyd proffesiynol, seicolegwyr, ffisegwyr, peirianwyr, gwyddonwyr cyfrifiadurol, phawb sy’n chwilfrydig ynghylch yr ymennydd. P'un a ydych am wella'ch arbenigedd neu archwilio sut mae niwrowyddonwyr gwybyddol a meddygon yn ymchwilio i weithrediad yr ymennydd, mae'r cwrs yn cynnig profiad dysgu diddorol ac addysgiadol.

Mae’r micro-gymhwyster hwn yn rhan o’r MSc Niwro-ddelweddu, ac rydym yn falch o gynnig y cyfle i’w astudio fel modiwl annibynnol.

Mae’r MSc Niwro-ddelweddu ym Mangor yn un o’r rhaglenni mwyaf sydd wedi ennill ei blwyf yn y DU ym maes niwro-ddelweddu modern. Am ragor o wybodaeth am yr MSc llawn, ewch i'r dudalen hon: niwro-ddelweddu-msc

Pam astudio’r cwrs CPD yma? 

Mae’r cwrs yn cynnig sylfaen gadarn mewn niwroddelweddu, gan arfogi dysgwyr â’r isod:

• Gwybodaeth ddamcaniaethol hanfodol ar gyfer deall MRI modern ac ymchwil niwrowyddoniaeth swyddogaethol sy'n seiliedig ar MRI.
• Dealltwriaeth foesegol ac athronyddol o heriau ymchwil niwroddelweddu.
• Sgiliau ymarferol sydd eu hangen i ddylunio, cynnal, a dadansoddi astudiaethau niwroddelweddu.

Erbyn diwedd y cwrs, bydd gan bawb yr arbenigedd i ddehongli data niwroddelweddu a chymhwyso eu gwybodaeth yng nghyd-destun ymchwil neu glinigol.

Pa mor hir mae'n gymryd i gwblhau'r cwrs?

Caiff y cwrs rhan amser ei gynnal dros 12 wythnos yn ystod Semester 1 y flwyddyn academaidd.

Ym flwyddyn academaidd 2025/26, bydd Semester 1 yn rhedeg o 29 Medi tan 22 Rhagfyr 2025.

Gwybodaeth am asesiadau 

Caiff yr asesiadau eu cynllunio i annog dysgu parhaus a chymhwyso deunyddiau’r cwrs yn ymarferol. Maent yn cynnwys:

• Gwaith cwrs wythnosol byr (150-300 gair) – 40% o’r marc cyffredinol.
• Arholiad terfynol wedi'i amseru ar ffurf llyfr agored – 60% o'r marc cyffredinol.

Tiwtor

Dr Ken Valyear

Uwch Ddarlithydd mewn Niwrowyddoniaeth Wybyddol yng Nghanolfan Delweddu ÌìÌì³Ô¹Ïyn Ysgol Seicoleg a Gwyddorau Chwaraeon.

Rwy'n academydd gyda thros 20 mlynedd o brofiad mewn gwyddoniaeth y ymennydd, gan ddefnyddio MRI gweithredol i astudio swyddogaeth y dwylo a’r ymennydd. Bwriad yw deall yn well sut mae’r llaw a’r ymennydd yn gweithio gyda’i gilydd, gan ddefnyddio’r wybodaeth yma i wella gofal cleifion.

Dechreuais fy hyfforddiant mewn MRI gweithredol ym Mhrifysgol Western, Canada, gyda'r Athro Jody Culham, lle bues i’n gweithio am wyth mlynedd. Yna, cwblheais gytundeb ôl-ddoethurol pedair blynedd yn yr Unol Daleithiau gyda’r Athro Scott Frey cyn dechrau fy labordy fy hun ym Mhrifysgol ÌìÌì³Ô¹Ïyn 2015.

Yn y modiwl hwn, rwy’n canolbwyntio ar sylfeini dylunio arbrofion MRI gweithredol. Fy nod yw darparu’r wybodaeth sylfaenol sydd ei hangen arnoch i ddylunio astudiaethau MRI effeithiol a dehongli’r canlyniadau gyda hyder.

Prof. Paul Mullins

Athro Delweddu Niwrolegol ac Uwch Ffisegydd yn Ganolfan Ddelweddu ÌìÌì³Ô¹Ïyn yr Ysgol Seicoleg a Gwyddorau Chwaraeon.

Mae fy ymchwil yn cwmpasu tri maes eang: defnyddio delweddu cyseiniant magnetig a sbectrosgopeg i ymchwilio i brosesau niwrolegol a ffisiolegol sylfaenol mewn iechyd a chlefyd; defnyddio'r technegau hyn i fesur newidiadau sy'n gysylltiedig â throsglwyddo niwrodrosglwyddyddion a gweithgaredd niwral mewn iechyd a chlefyd; ac ymchwilio i effeithiau heriau ffisiolegol (e.e. hypocsia, clwyf pen, ymarfer corff) ar yr ymennydd.

Rwyf hefyd yn rhyngweithio â chydweithwyr o'r Coleg Meddygaeth a Gwyddorau Iechyd ar ddylunio astudiaethau MRI, caffael data a phrosesu a'r adnoddau sydd ar gael i helpu gyda'u cwestiynau ymchwil, fy nod yw cadw Uned Ddelweddu ÌìÌì³Ô¹Ïyn ganolfan o'r radd flaenaf ar gyfer ymchwil delweddu niwrolegol yng Ngogledd Cymru

Beth fyddwch chi’n ei astudio ar y cwrs yma?

Bydd pawb yn archwilio cysyniadau allweddol a sgiliau ymarferol mewn niwroddelweddu, gan gynnwys:

• Cyfrifiadura sylfaenol a llythrennedd data ar gyfer niwroddelweddu.

• Fformatau data delweddu a thechnegau rheoli.

• Dadansoddiad ystadegol o ddata cyfres amser swyddogaethol.

• Dylunio arbrofol ar gyfer astudiaethau delweddu swyddogaethol.

• Sgiliau meddalwedd ar gyfer prosesu a dadansoddi data, gan ddefnyddio offer fel MATLAB, FSL, SPM, a TARQUIN.

Rhestr o unedau 

Mae’r maes llafur yn cwmpasu’r meysydd canlynol:

• Llythrennedd cyfrifiadurol sylfaenol – Deall gwybodeg yr ymennydd a strwythurau data.
• Gweld data niwroddelweddu - Fformat NIFTI, cyferbyniadau delwedd, a datrysiad.
• Defnyddio MATLAB – Efelychu ymatebion hemodynamig ledled cyfresi amser.
• Y Model Llinol Cyffredinol (GLM) - Matricsau dylunio, effeithlonrwydd profi, a dadansoddiad lefel gyntaf mewn FSL.
• Dadansoddiad ail lefel gydag SPM – Dehongli data niwroddelweddu uwch.
• Prosesu Delweddu Tensor Tryledu (DTI). – Hanfodion tractograffeg.
• Sbectrosgopeg Cyseiniant Magnetig (MRS) - Prosesu a dadansoddi data.
• Dyluniad astudiaeth niwroddelweddu – Egwyddorion sefydlu a methodoleg arbrofol.

• Y ffi ar gyfer blwyddyn academaidd 2025/26 fydd £639.00 (yn cynnwys TAW).
• Ewch i dudalen Ffioedd a Chyllid Ôl-raddedig er mwyn cael gwybodaeth bellach.

I fod yn gymwys ar gyfer y cwrs, bydd angen yr isod ar ymgeiswyr:

• Gradd israddedig (2:1 neu uwch).

Fel arall, gallwn ystyried ymgeiswyr gydag o leiaf tair blynedd o brofiad gwaith perthnasol a thystiolaeth o astudiaeth ddiweddar neu ddatblygiad proffesiynol (sy'n dangos parodrwydd i astudio ar Lefel 6/7).

Os nad ydych yn bodloni’r gofynion academaidd safonol, cysylltwch ag arweinydd y cwrs i drafod eich cymhwystra.

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.