����Թ�

Nid yw plant yn bodoli ar eu pen eu hunain, maent yn rhan o system gymdeithasol, deuluol a chyfreithiol gymhleth sy’n llywio eu profiadau bywyd. Mae'r modiwl hwn yn cyflwyno theori allweddol a dadleuon am Blentyndod i helpu i ddatblygu eich ffyrdd o weithio gyda Phlant a Phobl Ifanc. 

I bwy mae’r cwrs hwn yn addas? 

Mae’r cwrs byr hwn ar gyfer pobl sy’n gweithio gyda phlant a phobl ifanc ac sydd eisiau cefnogi eu datblygiad, eu hiechyd meddwl a’u lles.

Pam astudio’r cwrs?

Mae'r cwrs hwn wedi'i gynllunio i roi'r canlynol i chi:

1. Dealltwriaeth feirniadol wybodus o safbwyntiau cymdeithasol, diwylliannol a gwleidyddol plentyndod ac ieuenctid.
2. Y gallu i ddisgrifio a gwerthuso damcaniaethau datblygiad a phontio mewn plant a phobl ifanc.
3. Dealltwriaeth feirniadol o ddamcaniaethau iechyd meddwl a lles plant a phobl ifanc mewn cyd-destun cymhwysol.
4. Y gallu i greu adnoddau cymorth iechyd meddwl sy'n seiliedig ar theori a thystiolaeth empirig.
    

Pa mor hir mae'n ei gymryd i gwblhau'r cwrs? 

Mae’r cwrs byr hwn yn rhedeg dros 6 wythnos, fel arfer yn ystod semester gyntaf o'r flwyddyn academaidd.

Gwybodaeth am asesiadau 

Bydd asesiadau ar y cwrs byr hwn yn cynnwys:

• Arholiad Llafar Grŵp (20 munud)
• Creu Adnodd Seicoaddysgol ar gyfer plant a/neu bobl ifanc (2000 o eiriau)
   

Tiwtor

Dr. Nia Young yw Cyfarwyddwr Dysgu Proffesiynol ac Ymgysylltiad Cymunedol yr Ysgol Addysg, ac mae'n darlithio mewn Astudiaethau Plentyndod ac Ieuenctid yn ogystal â Chwnsela Plant a Phobl Ifanc. Mae ei hymchwil yn canolbwyntio ar ddefnydd iaith leiafrifol a'i effaith ar hunan-barch plant. Fel eiriolwr ymroddedig dros hawliau plant, mae Dr. Young wedi hyrwyddo llais ieuenctid mewn prosesau gwneud penderfyniadau trwy ei rôl gydag Arsyllfa Cymru ar Hawliau Dynol y Plentyn a thrwy sefydlu Uwchgynadleddau Ieuenctid Bangor. Mae’r uwchgynadleddau hyn yn casglu plant a phobl ifanc o bob rhan o Gymru i gwrdd â gwleidyddion ac ymchwilwyr, gan annog trafodaethau ar y newidiadau y mae pobl ifanc am eu gweld i sicrhau eu dyfodol.

Bu Dr Young hefyd yn cydweithio â Phrifysgol Wrecsam i ddarparu Prifysgol y Plant yng Ngogledd Cymru, gan ehangu mynediad plant a phobl ifanc i weithgareddau allgyrsiol i ysbrydoli mwy o gyfleoedd ac annog uchelgais. Yn gefnogwr cryf dros les a hawliau cyfranogiad plant, mae hi’n ymwneud ag archwilio sut mae canfyddiadau cymdeithasol o blentyndod yn siapio profiadau a chyfleoedd plant.

Beth fyddwch chi’n ei astudio ar y cwrs yma?

Bydd y modiwl yn eich cyflwyno i'r patrymau allweddol sydd wedi dylanwadu ar faes amlddisgyblaethol astudiaethau plentyndod ac ieuenctid, tra hefyd yn ymwneud ag Ymchwil Cenedlaethol a Rhyngwladol a pholisi sy'n ymwneud â phlant a phobl ifanc yn yr 21ain ganrif. Byddwch yn cael cyfle i fyfyrio'n feirniadol ar eich ymarfer, eich credoau a'ch dealltwriaeth eich hun o statws plant a phobl ifanc mewn Cymdeithas. Byddwch yn ennill dealltwriaeth ddyfnach o ddatblygiad plant ac iechyd meddwl. Yna byddwch yn archwilio materion cyfoes allweddol sy'n effeithio ar ddatblygiad ac iechyd plant a phobl ifanc. Byddwch hefyd yn ystyried safbwyntiau cymdeithasol, diwylliannol a gwleidyddol plentyndod ac ieuenctid, gyda chofus penodol ar y syniad o blant fel asiantau a deiliaid hawliau. Yn bwysicaf oll, byddwch yn cael eich annog i herio tybiaethau a gymerir yn ganiataol am blant a phlentyndod.

Pam astudio’r cwrs? 

Rhestr o unedau 

Gall y pynciau a drafodir yn y modiwl hwn gynnwys:

1. Ystyron plentyndod ac ieuenctid ar draws hanes a diwylliannau
2. Effaith lluniadau cymdeithasegol plentyndod ar bolisi a deddfwriaeth, gan gynnwys hawliau cyfranogiad plant mewn ymarfer
3. Datblygiad plant a phontio
4. Iechyd meddwl a lles mewn plant a phobl ifanc
5. Seicoffarmacoleg yn ystod datblygiad ffurfiannol
6. Chwarae, ymlacio, a hunangymorth trwy blentyndod ac ieuenctid

• Ewch i dudalen Ffioedd a Chyllid Ôl-raddedig er mwyn cael gwybodaeth bellach.

• Ewch i dudalen Ffioedd a Chyllid Ôl-raddedig er mwyn cael gwybodaeth bellach.

Mae hwn wedi'i anelu at y rheini sy'n gweithio gyda phlant a phobl ifanc mewn unrhyw leoliad. Mae'n fodiwl lefel ôl-raddedig ac felly byddai disgwyl i ymgeiswyr fod wedi cwblhau gradd israddedig fel arfer. Byddwn hefyd yn ystyried ymgeiswyr sydd ag o leiaf 3 blynedd o brofiad gwaith perthnasol ac sydd â thystiolaeth o astudio diweddar neu ddatblygiad proffesiynol (i ddangos gallu i astudio ar lefel 7).

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.