����Թ�

Mae hwn yn gwrs byr rhan-amser sy'n cyflwyno ymyriadau llythrennedd i blant a phobl ifanc ag anawsterau datblygu eu sgiliau llythrennedd. Bydd gan ymgeiswyr yr opsiwn o ddysgu ar-lein neu wyneb yn wyneb. Mae fersiwn blended ar gael ym Mangor hefyd. Gellir cwblhau'r cwrs drwy gyfrwng y Gymraeg neu'r Saesneg, gyda'r opsiwn i gyflawni'r ymyriad addysgu yn un o'r ddwy iaith.

I bwy mae’r cwrs yma i?

Bydd y cwrs hwn o fudd i athrawon, tiwtoriaid, staff cymorth addysgu a chynorthwywyr, therapyddion lleferydd ac iaith, a'r rhai sy'n gweithio gyda dysgwyr ag anghenion dysgu ychwanegol neu wahaniaethau dysgu. Mae angen 2 flynedd o brofiad blaenorol mewn addysg neu weithio gyda phlant cyn y cwrs. 

Pam astudio’r cwrs yma?

Mae'n cynnig i ymgeiswyr ddod yn arbenigwyr achrededig mewn cyflwyno ymyriadau llythrennedd i blant a phobl ifanc ag anawsterau datblygu eu sgiliau llythrennedd a'r rhai â dyslecsia. Bydd ymgeiswyr yn gallu nodi'r anawsterau a wynebir gan blentyn neu berson ifanc o ran darllen, sillafu, a llawysgrifen, a llunio rhaglenni ymyrraeth addas. Byddant yn gallu adnabod anawsterau llythrennedd a darparu ymyrraeth trwy gyfrwng y Gymraeg a/neu Saesneg.

Ar ôl cwblhau'r cwrs hwn yn llwyddiannus, bydd y dysgwr yn gallu cyflwyno ymyriadau llythrennedd wedi'u targedu i blant a phobl ifanc â Statws Ymarferydd Achrededig neu Statws Athro Achrededig gyda Chymdeithas Dyslecsia Prydain. Dyma’r unig gwrs yn y DU sy’n canolbwyntio ar gefnogi dysgwyr ag Anawsterau Dysgu Penodol yng Nghymru ac mae’n caniatáu ar gyfer gwaith ymyrraeth Cymraeg a Saesneg gyda disgyblion.

Gwybodaeth am aseiniadau:

Bydd asesiad o’r cwrs yn cynnwys:

• 20 awr o addysgu ymarferol gyda disgybl. Bydd hyn yn cael ei asesu gan ddwy wers 60 munud wedi'u recordio.
• Astudiaeth achos yn seiliedig ar y disgybl yn derbyn yr ymyriad.  
• Portffolio dysgu yn seiliedig ar yr ymarfer addysgu.

Tiwtoriaid

Jo Dunton 

Cyfarwyddwr Addysgu Canolfan Dyslecsia Miles 

Fel Aelod Cyswllt o Gymdeithas Dyslecsia Prydain mae hi'n athrawes ac asesydd arbenigol sydd wedi ei hachredu gan Gymdeithas Dyslecsia Prydain. Mae ei gyrfa addysgu wedi rhychwantu amryw o oedrannau gan gynnwys gweithio mewn ysgolion arbennig a cholegau Addysg Bellach. Ymunodd â thîm addysgu Canolfan Dyslecsia Miles ar ôl cwblhau'r cwrs i fod yn Aelod Cyswllt o Gymdeithas Dyslecsia Prydain ym Mangor, ac aeth ymlaen wedyn i fod yn Gyfarwyddwr Addysgu'r Ganolfan. Mae ar hyn o bryd yn aelod gweithredol o Fwrdd Achredu Cymdeithas Dyslecsia Prydain. 

Ruth Elliott 

Arweinydd DPP Canolfan Dyslecsia Miles 

Athrawes ac asesydd arbenigol i ddisgyblion ac oedolion ag anawsterau llythrennedd. Mae hi'n athrawes gymwysedig ac mae’n Aelod Cyswllt o Gymdeithas Dyslecsia Prydain. Ar hyn o bryd hi yw arweinydd datblygiad proffesiynol parhaus . Mae hi hefyd yn creu cynnwys ac yn hyfforddi fel rhan o’r project .  

Beth fyddwch chi’n ei astudio ar y cwrs yma?

Mae'r cwrs ymarferol hwn yn cynnwys mwy na 40 awr o ddarlithoedd, seminarau, ac amser i ofyn cwestiynau i arbenigwyr yn y maes. 

Wrth ddilyn y cwrs bydd myfyrwyr yn ymgyfarwyddo ag ymagweddau ac egwyddorion sylfaenol addysgu dysgwyr â Gwahaniaeth Dysgu Penodol (dyslecsia) a phobl ag anawsterau llythrennedd.  

Mae'r pynciau’n cynnwys: 

• Damcaniaethau am ddyslecsia a'r achosion sylfaenol 
• Anawsterau sy'n cyd-ddigwydd gyda dyslecsia 
• Anawsterau sy’n gysylltiedig ag iaith a dysgu, hunan-barch, a mathemateg. 
• Dwyieithrwydd a dysgu ail iaith. 

Bydd y cwrs yn galluogi'r ymgeiswyr i asesu gogyfer ag ymyriadau a nodi'r anawsterau a wynebir gan eu disgybl o ran darllen, sillafu a llawysgrifen. Byddant hefyd yn gallu llunio rhaglenni addas o ymyrraeth. 

Disgwylir i ymgeiswyr fod ag ymagwedd feirniadol wrth ddewis deunyddiau ar gyfer addysgu ac asesu eu disgyblion.  

Anogir dyfeisgarwch a gwreiddioldeb mewn perthynas â dulliau addysgu amlsynhwyraidd, yn enwedig o ran defnyddio gemau a deunyddiau synhwyraidd a gweledol i gynorthwyo dysgu pellach. Bydd gwerthuso ffurfiannol parhaus gan y myfyrwyr yn dangos sut mae eu gwaith wedi datblygu dros y cyfnod addysgu. 

Cyrsiau'r Dyfodol 

• Trefniadau mynediad ar gyfer ysgolion 
• Asesiadau diagnostig
•  Anghenion dysgu ychwanegol

Gyrfaoedd y Dyfodol

•  Athro/ymarferydd llythrennedd arbenigol
•  Tiwtor 
• Cydlynydd ADY (CADY) 
• Gweithiwr cymorth ADY

£2,450 (pris yn ddilys ar gyfer blwyddyn academaidd 2026/27)

Rhaid i ymgeiswyr am Statws Ymarferydd Achrededig fodloni'r meini prawf canlynol i gael eu hystyried yn gymwys ar gyfer y cwrs:  

• TGAU gradd C neu gymhwyster lefel 2 cyfwerth mewn iaith neu lenyddiaeth Saesneg a/neu Gymraeg. 
• Byddai cymwysterau Lefel 3 yn ddefnyddiol i gwrdd â gofynion academaidd y cwrs.  

Dylai fod gan ymgeiswyr 2 flynedd o brofiad o weithio gyda phlant a phobl ifanc. Cysylltwch â ni am ragor o wybodaeth os ydych yn ansicr a ydych yn gymwys. 

I ddilyn y cwrs mae’n ofynnol bod gennych fynediad i weithio gyda phlentyn neu berson ifanc 6-16 oed a fyddai'n elwa o ymyriad llythrennedd yn eich gweithle neu sefydliad cysylltiedig.  

Holwch os ydych yn ansicr a yw'r plentyn neu berson ifanc yn cwrdd â'r gofynion.

Barod i gymryd y cam nesaf? Os oes gennych ddiddordeb ymuno â’r cwrs hwn yn y blwyddyn 2026/27. Gallwch wneud cais yn uniongyrchol neu ofyn i aelod o’n tîm gysylltu â chi i drafod ymhellach. Dewiswch yr opsiwn sy’n addas i chi isod.