Ynglŷn â’r Cwrs Yma
Ydych chi erioed wedi dymuno dysgu Ffrangeg? rwan yw eich cyfle i wneud hynny.
Mae ein cyrsiau ar gael i staff a myfyrwyr Prifysgol Bangor, yn ogystal â’r rhai y tu allan i’r Brifysgol.
Mae’r cyrsiau iaith 10 wythnos hein wedi’u cynllunio i ddarparu ar gyfer amrywiaeth o lefelau - o ddechreuwyr i ddysgwyr a allai fod eisiau adnewyddu sgiliau iaith sydd angen dipyn bach o waith ac/neu barhau o astudiaethau TGAU/Lefel A.
*Mae cyrsiau’n cael eu cynnal yn amodol ar niferoedd lleiaf. Mae rhai cyrsiau’n boblogaidd iawn - mewn achosion lle mae cyrsiau’n orlawn byddwn yn gweithredu cofrestru ar sail y cyntaf i’r felin. Yr isafswm oedran yw 18.
Pam Dysgu Ffrangeg?
Mae dysgu iaith yn hwyl ac yn heriol. Mae hefyd yn agor drysau i ddiwylliannau eraill, ac ehangu eich cylch cymdeithasol.
Fe welwch wybodaeth ar y dudalen hon ar sut i gofrestru ar gwrs iaith yn ogystal â manylion amserlen a gwybodaeth bellach am ddeunyddiau a llyfrau testun. Mae’r dosbarthiadau wedi’u cynllunio i ddarparu ar gyfer amrywiaeth o lefelau - o ddechreuwyr llwyr (A1) i ddysgwyr uwch (B1) sy’n ceisio datblygu eu sgiliau iaith. Darganfyddwch fwy am y gwahanol lefelau yma.
Ystafelloedd Darlithio
Mae Ystafelloedd Darlithio (YD) 1,2,3,4,5 i gyd ar y llawr cyntaf, Prif Adeilad y Celfyddydau (ÌìÌì³Ô¹ÏLL57 2DF), trowch i’r chwith ar ben y grisiau. Mae gan yr adeilad hwn faes parcio, fel arfer yn hygyrch am ddim gyda’r nos.
Mae sesiynau ar-lein yn cael eu cynnal ar Blackboard: Os ydych yn profi unrhyw broblemau i gael mynediad i’ch e-bost Prifysgol ÌìÌì³Ô¹Ïneu’r safle Blackboard ar gyfer eich modiwl(au) ar ôl cofrestru, cysylltwch â: shortcourses@bangor.ac.uk
unwaith y byddwch wedi cofrestru, gwiriwch Blackboard yn aml am fanylion a diweddariadau pellach.
Deunyddiau a Llyfrau Testun
Mae ein modiwlau’n gofyn i fyfyrwyr brynu llyfr testun. Cyn gynted ag y byddwch wedi’ch derbyn ar fodiwl, sicrhewch eich bod yn prynu’r llyfr testun perthnasol ar gyfer eich lefel.
Amserlen Ieithoedd i Bawb
Gwiriwch ein gwefan am wybodaeth am yr union ddiwrnod o’r wythnos pan fydd eich sesiynau’n cael eu cyflwyno.
TYMOR 1
Dechreuwyr [Cod LXN-1021], lefel A1. Grŵp 1. Dydd Llun (LR1).
Dechreuwyr [Cod LXN-1021], lefel A1. Grŵp 2. Dydd Mawrth (LR1).
Canolradd [Cod LXN-1051], lefel A2. Dydd Mercher (LR1).
- Dechrau: 6.10 yp,Toriad: 7.00-7.10 yp,Diwedd: 8 yp.
- Sesiwn gyntaf: wythnos yn dechrau 6 Hydref 2025.
- Wythnos ddarllen (1 wythnos, dim sesiynau): wythnos yn dechrau 3 Tachwedd 2025.
- Sesiwn olaf: wythnos yn dechrau 5 Rhagfyr 2025.
Sylwch: (1) Mae cyrsiau’n cael eu cynnal yn amodol ar niferoedd lleiaf; (2) Mae llawer o ddosbarthiadau’n boblogaidd - gan fod nifer y dosbarthiadau’n gyfyngedig, bydd lleoedd yn cael eu dyrannu ar sail y cyntaf i’r felin. Rydym yn argymell eich bod yn cofrestru cyn gynted â phosibl i osgoi siom; (3) Er bod y Brifysgol yn gwneud pob ymdrech i sicrhau bod y wybodaeth a ddarperir yn gywir, gall yr amserlenni newid
Cynnwys y Cwrs
Beth fyddwch chi’n ei astudio ar y cwrs yma?
IEITHOEDD I BAWB - PA LEFEL SYDD I MI?
Edrychwch ar y disgrifyddion isod i werthuso’r lefel ddelfrydol ar gyfer eich gofynion chi. Os nad ydych yn siŵr pa lefel sydd orau i chi, siaradwch gyda’r tiwtor ar y noson cyntaf am gyngor ac arweiniad.
Dechreuwyr (CEFR*: A1) Rydych yn ddechreuwr pur, heb nemor ddim gwybodaeth o’r iaith. Byddwch yn dod yn fedrus mewn amrywiaeth o dasgau iaith syml, mewn sefyllfaoedd bob dydd y gellir eu rhagweld. Bydd y cwrs yn rhoi gwybodaeth sylfaenol iawn o gystrawen a geirfa’r iaith.
Dechreuwyr a mwy (CEFR*: A1+) Efallai y byddwch wedi astudio’r iaith yn yr ysgol ers rhai blynyddoedd neu ddilyn cwrs dechreuwyr. Mae gennych eirfa gyfyngedig iawn a rhywfaint o ddealltwriaeth o’r cystrawennau sylfaenol. Bydd y cwrs yn cyflwyno amseroedd newydd y ferf a’ch helpu i gyfathrebu mewn sefyllfaoedd bob dydd, yn gymdeithasol neu yn y gwaith..
Canolradd (CEFR*: A2) Mae gennych sylfaen resymol yn yr iaith ar lefel ysgol, efallai i lefel-O/TGAU neu gyfwerth. Gellwch ymdrin yn hyderus â’r rhan fwyaf o sefyllfaoedd o ‘raid’. Yn awr, rydych yn awyddus i symud y tu hwnt i ymarfer iaith syml yn unig yn ystod eich gwyliau tramor, a dysgu ymdopi mewn sefyllfaoedd nad ydynt yn codi’n rheolaidd.
Canolradd a mwy (CEFR*: A2+) Mae gennych sylfaen gadarn yn yr iaith ar lefel ysgol, bron yn sicr i lefel-O/TGAU neu gyfwerth. Gellwch ymdrin yn hyderus â’r rhan fwyaf o sefyllfaoedd cyffredin. Yn awr, rydych yn awyddus i symud y tu hwnt i ymarfer dialogau syml yn unig yn ystod eich gwyliau neu’ch taith dramor ar gyfer eich gwaith, a dysgu ymdopi mewn sefyllfaoedd a chyfrannu at sgyrsiau o ddiddordeb cyffredin.
Uwch (CEFR*: B1) Mae gennych eirfa dda a dealltwriaeth weddol o reolau sylfaenol gramadeg a sut i’w defnyddio. Rydych yn teimlo’n hyderus, o fewn rheswm, wrth siarad yn y rhan fwyaf o sefyllfaoedd cyffredin, yn gymdeithasol ac yn y gwaith, ac rydych wrthi’n dod yn rhugl wrth ddarllen ac ysgrifennu. Yn awr, rydych yn awyddus i ddefnyddio’r iaith yn fwy hyblyg a defnyddio’r termau sy’n briodol i’r cyd-destun.
Uwch a mwy (CEFR*: B1+) Mae gennych eirfa dda a dealltwriaeth dda o reolau gramadeg. Mae eich medrau siarad a gwrando yn eich galluogi i deimlo’n gymharol hyderus ran amlaf, boed hynny’n gymdeithasol neu yn y gwaith. Rydych yn deall amrywiaeth eang o destunau anodd a hir ac yn llunio testunau clir a strwythuredig. Yn awr, rydych yn awyddus i fynegi eich hun yn rhugl a digymell, heb ryw lawer o chwilio am ymadroddion, ac i ddefnyddio’r iaith yn hyblyg ac yn effeithiol at ddibenion cymdeithasol, academaidd a phroffesiynol.
*CEFR = Fframwaith Cyfeirio Ewropeaidd Cyffredin o ran lefelau iaith.
Cost y Cwrs
Rwy’n Fyfyriwr Newydd ym Mhrifysgol Bangor
Gall myfyrwyr newydd ym Mhrifysgol ÌìÌì³Ô¹Ïgofrestru ar fodiwlau ychwanegol o’r cynllun Ieithoedd i Bawb am £60 y modiwl. Cynigir y modiwlau hyn ar sail archwilio yn unig – hynny yw, ni fydd asesiad ffurfiol nac unrhyw gredydau’n cael eu dyfarnu. Sylwer na fyddant yn ymddangos ar eich amserlen.
Rwy’n Fyfyriwr Blwyddyn sylfaenol ym Mhrifysgol Bangor
Bydd myfyrwyr sy'n dewis y modiwlau Ieithoedd i Bawb fel myfyrwyr blwyddyn sylfaen yn cael y cwrs am ddim fel rhan o'u hastudiaethau oherwydd ei fod yn opsiwn modiwl sydd wedi'i ddewis fel rhan o'r rhaglen ehangach. Wrth gofrestru eich diddordeb, gwnewch yn siŵr eich bod yn dangos eich bod yn fyfyriwr blwyddyn sylfaen, sy'n dewis modiwl Ieithoedd i Bawb.
Rwy’n Fyfyriwr sy’n Dychwelyd i Brifysgol Bangor
Gall myfyrwyr sy’n dychwelyd gofrestru ar fodiwlau ychwanegol o’r cynllun Ieithoedd i Bawb am £50 y modiwl. Fel gyda phob cofrestriad myfyriwr, cynigir y modiwlau hyn ar sail archwilio yn unig, heb unrhyw asesiad ffurfiol nac unrhyw gredydau.
Rwy’n Aelod o Staff Prifysgol Bangor
Gall aelodau o staff Prifysgol ÌìÌì³Ô¹Ïgofrestru ar fodiwlau Ieithoedd i Bawb am £150 y modiwl. Cynigir y modiwlau hyn ar sail archwilio yn unig – hynny yw, ni fydd asesiad ffurfiol nac unrhyw gredydau’n cael eu dyfarnu.
Rwy’n Aelod o’r Gymuned
Mae croeso i aelodau’r gymuned ymuno â’n dosbarthiadau nos rhan-amser Ieithoedd i Bawb. Y ffi yw £170 y modiwl, gyda phob modiwl yn cynnwys 10 sesiwn wythnosol. Cynigir y modiwlau hyn ar sail archwilio yn unig, heb unrhyw asesiad ffurfiol nac unrhyw gredydau.
Rwy’n Aelod o’r Gymuned sy’n Gymwys i Gael Gostyngiad (aelodau sydd wedi gwneud cwrs Ieithoedd i bawb yn y gorffennol a phensiynwyr)
Mae aelodau’r gymuned sydd wedi cwblhau cwrs Ieithoedd i Bawb yn y gorffennol, neu sydd yn bensiynwyr, yn gymwys i gael gostyngiad o £120 y modiwl. Cynigir y modiwlau hyn ar sail archwilio yn unig, heb unrhyw asesiad ffurfiol nac unrhyw gredydau.
Cofrestrwch yma
Os ydych chi'n cael unrhyw anawsterau gyda'r ffurflen, cysylltwch â: shortcourses@bangor.ac.uk.
Wedi i chi lwyddo i gofrestru, byddwch yn cael cyfeiriad e-bost Prifysgol Bangor, cyfrinair a mynediad i Blackboard (lle rhennir holl gynnwys a hysbysiadau’r cwrs: ). Os cewch unrhyw broblemau wrth gael mynediad at eich e-bost Prifysgol ÌìÌì³Ô¹Ïneu safle Blackboard ar gyfer eich modiwl(au), cysylltwch â: languagesforall@bangor.ac.uk
Gwneud Cais
Cofrestrwch eich diddordeb yma: