����Թ�

Lansiwyd y Prosiect Te Parti yn 1952 a dyma ddechrau’r daith wirfoddoli y mae myfyrwyr ����Թ�wedi bod yn ei dilyn ers hynny. Mae’r Te Parti yn de prynhawn ac adloniant ar gyfer trigolion oedrannus adeg y Nadolig ac o gwmpas Dydd Gŵyl Dewi. Dros y blynyddoedd, mae’r partïon wedi rhoi cyfle i’r gymuned oedrannus fynd allan a chymdeithasu ac wedi helpu i leihau unigrwydd ac arwahanrwydd.

I ddathlu’r pen-blwydd arbennig hwn, cynhaliodd y myfyrwyr sy’n gwirfoddoli yn Undeb Myfyrwyr Bangor, De Parti Nadolig arbennig i ddathlu 70 mlynedd. Ni fyddai hyn wedi bod yn bosibl heb y gwirfoddolwyr a weithiodd yn galed i ddarparu’r profiad hudol hwn a meithrin  perthynas hirsefydlog gyda’r gymuned leol.

Gwahoddwyd trigolion hŷn ����Թ�a Bethesda i fynychu’r prynhawn. Cludwyd y trigolion i Neuadd PJ ym Mhrif Adeilad y Celfyddydau ����Թ�ar Ffordd y Coleg.

Wedi cyrraedd cawsant eu  croesawu gan  gael Is-ganghellor y Brifysgol, Yr Athro Edmund Burke  a ddywedodd,

“Mae’r byd wedi gweld llawer o newidiadau ers 1952, ac eto mae rhai pethau’n aros yr un fath: mae cysylltiad  a chymuned yn dal yn bwysig, ac mae ein myfyrwyr yn parhau i gyfrannu’n egniol i gynlluniau gwirfoddoli a digwyddiadau fel hyn, sydd o fudd i’r ardal leol a’i gymuned, a dwg ni ynghyd.

Mae’r ystod eang o brosiectau gwirfoddoli y mae ein corff myfyrwyr yn ymwneud â nhw wedi gwneud argraff fawr arnaf. Rwyf am achub ar y cyfle hwn i ddiolch i’n myfyrwyr wrth iddynt nodi saith deg mlynedd o wirfoddoli yn ein cymuned.”