ÌìÌì³Ô¹Ï

Overview

Mi fydd y modiwl yma yn cyflwyno’r maes ymchwil o ‘niwroestheteg’ i fyfyrwyr. Mi fydd y modiwl yn canolbwyntio ar bedwar prif bwnc (Celf, Cerddoriaeth, Dawns, a Llenyddiaeth), ac yn eu cyflwyno o safbwynt niwrowyddoniaeth gwybyddol, a safbwynt gymhwysol. Caiff pob pwnc ei drafod am ddwy wythnos: Mi fydd yr wythnos gyntaf yn canolbwyntio ar ymchwil sy’n ymdrin ag effaith celf/cerddoriaeth/dawns/llenyddiaeth ar y boblogaeth gyffredinol, ac yn cyflwyno dulliau casglu data ar-lein megis EEG, fMRI a thracio llygaid. Mi fydd yr ail wythnos yn canolbwyntio ar ymchwil cymhwysol, ac yn amlinellu therapïau gwahanol a ddefnyddir gyda phoblogaethau penodol. Nod y darlithoedd yma yw cyflwyno dulliau ymchwil a safbwyntiau gwahanol i fyfyrwyr, ac i amlygu rhai o’r prif fanteision ac anfanteision o gynnal ymchwil groes-ddisgyblaethol.

Yn ogystal â’r darlithoedd, a fydd yn darparu trosolwg bras o bob pwnc, ac yn cyflwyno dulliau casglu data gwahanol, mi fydd myfyrwyr yn mynychu seminarau yn wythnosol. Yn ystod y seminarau yma, mi fydd myfyrwyr yn trafod a gwerthuso papurau ymchwil yn gritigol. Nod y seminarau yma yw datblygu sgiliau cyfathrebu myfyrwyr, ac i annog myfyrwyr i werthuso a gwerthfawrogi dulliau ymchwil a safbwyntiau gwahanol.

Mi fydd y modiwl yn canolbwyntio ar bedwar prif bwnc (Celf, Cerddoriaeth, Dawns, a Llenyddiaeth), ac yn eu cyflwyno o safbwynt niwrowyddoniaeth gwybyddol, a safbwynt gymhwysol. Caiff pob pwnc ei drafod am ddwy wythnos: Mi fydd yr wythnos gyntaf yn canolbwyntio ar ymchwil sy’n ymdrin ag effaith celf/cerddoriaeth/dawns/llenyddiaeth ar y boblogaeth gyffredinol, ac yn cyflwyno dulliau casglu data ar-lein megis EEG, fMRI a thracio llygaid. Mi fydd yr ail wythnos yn canolbwyntio ar ymchwil cymhwysol, ac yn amlinellu therapïau gwahanol a ddefnyddir gyda phoblogaethau penodol.

Assessment Strategy

Rhagorol (A- i A**) Cyflwyniad rhagorol o wybodaeth gynhwysfawr am niwroestheteg mewn modd clir, cryno a chywir. Dealltwriaeth ragorol o'r manteision a'r anfanteision sy'n gysylltiedig ag ymchwil drawsddisgyblaethol. Defnydd rhagorol o dystiolaeth i gefnogi'r pwyntiau a wnaed. Sgiliau cyflwyno llafar rhagorol, gan ddangos dealltwriaeth glir, gwaith annibynnol a meddwl critigol. Cyfathrebwyd prif bwyntiau'r papur yn glir ac yn effeithiol, a dangoswyd y gallu i ateb cwestiynau'n hyderus. Datblygiad rhagorol a rhesymegol o ddadleuon beirniadol mewn aseiniadau ysgrifenedig, tystiolaeth o ddarllen ychwanegol a dehongliad gwreiddiol. Defnydd rhagorol o astudiaethau a drafodwyd yn y seminarau, yn ogystal ag ymchwil ychwanegol, i gefnogi'r pwyntiau a wnaed. Cyflwyniad rhagorol o gwestiynau ymchwil diddorol a pherthnasol, gan ddangos dealltwriaeth wirioneddol o niwroestheteg, a gwerthusiad rhagorol o gymwysiadau damcaniaethol ac ymarferol y maes.

Da (B- i B+) Cyflwyniad da o wybodaeth gadarn am niwroestheteg mewn modd clir, cryno a chywir. Dealltwriaeth dda o'r manteision a'r anfanteision sy'n gysylltiedig ag ymchwil drawsddisgyblaethol. Defnydd da o dystiolaeth i gefnogi'r pwyntiau a wnaed. Sgiliau cyflwyno llafar da, gan ddangos dealltwriaeth weddol glir, gwaith annibynnol a meddwl critigol. Cyfathrebwyd prif bwyntiau'r papur yn glir ac yn effeithiol, a dangoswyd y gallu i ateb cwestiynau'n hyderus. Datblygiad da a rhesymegol o ddadleuon beirniadol mewn aseiniadau ysgrifenedig, tystiolaeth o ddarllen ychwanegol a dehongliad gwreiddiol. Defnydd da o astudiaethau a drafodwyd yn y seminarau, yn ogystal ag ymchwil ychwanegol, i gefnogi'r pwyntiau a wnaed. Cyflwyniad da o gwestiynau ymchwil diddorol a pherthnasol, gan ddangos dealltwriaeth wirioneddol o niwroestheteg, a gwerthusiad da o gymwysiadau damcaniaethol ac ymarferol y maes.

Boddhaol (C- to C+) Cyflwyniad boddhaol o wybodaeth am niwroestheteg mewn modd weddol glir, ond gydag ychydig o anghywirdeb. Dealltwriaeth foddhaol o'r manteision a'r anfanteision sy'n gysylltiedig ag ymchwil drawsddisgyblaethol. Defnydd boddhaol o dystiolaeth i gefnogi'r pwyntiau a wnaed. Sgiliau cyflwyno llafar boddhaol, gan ddangos dealltwriaeth o brif elfennau’r pwnc, ond gydag ychydig iawn o feddwl critigol. Cyfathrebwyd rhai o brif bwyntiau'r papur, a dangoswyd y gallu i ateb cwestiynau'n hyderus. Datblygiad boddhaol o ddadleuon beirniadol mewn aseiniadau ysgrifenedig, ond roedd diffyg cydlyniad i’r dadleuon. Defnydd boddhaol o astudiaethau a drafodwyd yn y seminarau i gefnogi'r pwyntiau a wnaed, gydag ychydig iawn o dystiolaeth o ymchwil ychwanegol. Cyflwyniad boddhaol o gwestiynau ymchwil diddorol a pherthnasol, gan ddangos ychydig o ddealltwriaeth o niwroestheteg, a gwerthusiad boddhaol o gymwysiadau damcaniaethol ac ymarferol y maes.

Gwael (D- i D+) Gwybodaeth am egwyddorion allweddol yn unig. Llawer o wallau a gwendidau o ran cyflwyniad a chywirdeb. Ychydig o ddealltwriaeth o'r manteision a'r anfanteision sy'n gysylltiedig ag ymchwil drawsddisgyblaethol. Ychydig o ddefnydd o dystiolaeth i gefnogi'r pwyntiau a wnaed. Sgiliau cyflwyno llafar gwael, gan ddangos ychydig o wybodaeth am brif elfennau'r maes pwnc. Cyflwynwyd rhai o brif bwyntiau'r papur, ond roedd llawer o wallau. Dangoswyd y gallu i ateb rhai cwestiynau. Cyflwynwyd dadleuon mewn aseiniadau ysgrifenedig, ond nid oeddent yn llifo, ac nid oedd unrhyw dystiolaeth o ddehongliad gwreiddiol na meddwl critigol. Ychydig iawn o ddefnydd o dystiolaeth i gefnogi'r pwyntiau a wnaed, ac ychydig o dystiolaeth o ddarllen ychwanegol. Cyflwynwyd cwestiynau ymchwil cymharol ddiddorol a pherthnasol, ond roedd diffyg dealltwriaeth gadarn o niwroestheteg. Dim gwerthusiad o gymwysiadau damcaniaethol ac ymarferol y maes.

Learning Outcomes

• Cyfleu pwyntiau allweddol papur ymchwil yn effeithiol.

• Cynnig cwestiynau ymchwil diddorol a pherthnasol

• Deall rhai o fanteision a heriau ymchwil trawsddisgyblaethol.

• Gwahaniaethu rhwng, a gwerthfawrogi, gwerth arwyddocâd clinigol ac ystadegol

• Gwerthuso'n feirniadol ymchwil gyfredol ym maes niwroestheteg.